Tumutulong ang mga abiso sa pagkonsumo ng isda sa mga mangingisda ng Virginia na gumawa ng mga matalinong pasya tungkol sa pagkonsumo ng mga isdang kanilang nahuhuli. Bagaman karamihan sa mga anyong-tubig sa Virginia ay wala namang mapanganib na antas ng mga kontaminante, ang ilan sa mga isda sa mga partikular na katubigan ay napag-alamang nagtataglay ng mga kontaminante sa mga antas na nakakabahala.
Ang abiso sa pagkonsumo ng isda ay hindi isang pagbabawal sa pagkain ng isda, kundi isang babala tungkol sa mga kontaminanteng naroroon sa isang uri ng isda. Tinutukoy sa bawat abiso ang anyong-tubig o bahagi ng anyong-tubig na naapektuhan, mga kontaminanteng naroroon, at mga rekomendasyon sa pagkain para sa mga partikular na uri ng isda na nahuli roon. Binuo ang mga rekomendasyon sa pagkain na ipinakita sa mga talahanayan ng abiso sa pagkonsumo ng isda para protektahan ang pangkalahatang publiko* mula sa masamang epekto sa kalusugan dulot ng pagkakalantad sa mga contaminant ng isda. Inirerekomendang sundin ang patnubay na nakalahad sa mga abiso para mabawasan ang iyong lubusang pagkakalantad sa mga kontaminante ng isda.
*Ang mga buntis o maaaring mabuntis, nagpapasusong ina, at maliliit na bata ay pinapayuhang huwag kumain ng alinmang isdang nakalista sa abiso ukol sa pagkonsumo ng isda.
Ang mga kontaminante tulad ng mercury, polychlorinated biphenyls (PCBs), Kepone, at perfluorooctane sulfonate (PFOS) ay natagpuan sa ilang uri ng isda sa mga daluyan ng tubig ng Virginia. Maaaring makapasok ang mga kontaminanteng ito sa mga daluyan ng tubig sa iba't ibang paraan, tulad ng ilegal na pagtatapon o hindi sinasadyang pagtagas. Maaaring makapasok ang PFOS sa katubigan sa pamamagitan ng paggamit ng foam na panlaban sa sunog o mga prosesong pang-industriya. Maaaring makapasok ang mercury sa mga daluyan ng tubig sa pamamagitan ng mga nalalaglag mula sa hangin na nagmula sa malalayong lugar. Karamihan sa mga abiso sa pagkonsumo ng isda sa Virginia ay para sa mercury at PCBs. Kapag naroroon ang mga kontaminanteng ito sa mga anyong tubig, kilala ang mga ito na naiipon sa katawan (bioaccumulate), na nangangahulugang maaari itong maipon sa mga himaymay ng isda sa paglipas ng panahon. Bukod pa rito, maaari silang lumala o dumami (biomagnify), na nangangahulugang tumataas ang antas ng mga kemikal na matatagpuan sa mga himaymay ng isda habang umaakyat ang mga ito sa kadena ng pagkain. Dahil dito, ang mga mas matatanda, mas malalaki, at mga isdang kumakain ng kapwa isda (carnivorous) ay mas malamang na magkaroon ng mga abiso. Para sa karagdagang impormasyon tungkol sa mga epekto sa kalusugan na nauugnay sa mga kontaminanteng ito, mangyaring i-click ang mga fact sheet para sa Mercury, Polychlorinated Biphenyls (PCBs) o Perfluorooctane sulfonate (PFOS).
Mga PDF ng Mga Kasalukuyang Abiso sa Pagkonsumo ng Isda
Pindutin ang link sa ibaba upang tingnan ang kasalukuyang abiso sa pagkonsumo ng isda para sa partikular na lunas ng ilog:
- Chesapeake Bay and Small Coastal Basin (kabilang ang Great Wicomico, Piankatank, Poquoson, Lynnhaven, Pocomoke River; Dragon Run Swamp; at Mobjack Bay)
- Chowan and Great Dismal Swamp Basin (kabilang ang Nottoway, Meherrin, at Blackwater River; Lake Drummond)
- James River Basin (kabilang ang Maury, Jackson, Slate, Rivanna, Tye, Rockfish, Willis, Appomattox, Chickahominy, White Oak Swamp, Pagan, Nansemond, at Elizabeth River)
- New River Basin (kabilang ang Little at Bluestone River; Walker, Peak, at Reed Creeks; Claytor Lake)
- Potomac River Basin (kabilang ang Occoquan River; Bull Run at Broad Run)
- Rappahannock River Basin (kabilang ang Hazel, Thornton, Rapidan, Robinson, at Corrotoman River; at Mountain Run)
- Roanoke and Yadkin River Basin (kabilang ang Little Otter, Big Otter, Pigg, Dan, Smith, at Banister River; Smith Mountain, Leesville Lake; Lake Gaston; Kerr Reservoir; at Lovills Creek Lake)
- Shenandoah River Basin (kabilang ang South, North, South Fork Shenandoah, at North Fork Shenandoah River)
- Tennessee and Big Sandy River Basin (kabilang ang Holston, Clinch, Powell, at Guest River; Levisa, Russell, at Tug Fork)
- York River Basin (kabilang ang Pamunkey, Mattaponi, Lake Anna, Little, Matta, Po, at Ni River)
Mga Benepisyo sa Pagkain ng Isda
Nagbibigay ang isda ng maraming benepisyo sa kalusugan ng tao. Mababa ang mga ito sa saturated fat, mataas sa protina, at magandang pinagmumulan ng omega-3 fatty acids. Ang isda ay mayroon ding vitamin D, calcium, iron, magnesium, at iba pang sustansiya na kapaki-pakinabang para sa kalusugan ng tao. Ang pagkain ng isda ay nauugnay sa mas mababang panganib ng atake sa puso, stroke, at altapresyon. Nakakatulong din ang pagkain ng isda sa pagpapalakas ng immune system, malusog na paggana ng utak, at angkop na paglaki at pag-unlad ng sanggol. Para makamit ang mga benepisyo sa kalusugan ng pagkain ng isda, inirerekomenda ang pagkain ng iba't ibang isda at lamang-dagat na mababa sa mercury tulad ng salmon, tilapya, hipon, talaba, scallop, at sardinas.
Mga Rekomendasyon sa Pagluluto at Paghahanda ng Isda
Maaari mong bawasan ang taba at mga kontaminante (hal. pesticides, PCBs) sa isdang iyong kinakain. Para bawasan ang posibleng masamang epekto ng pagkain ng kontaminadong isda, inirerekomenda ng VDH ang sumusunod:
- Kainin ang mas maliliit, mas batang isda. Mas maliit ang posibilidad na ang mga batang isda ay naglalaman ng mga mapanganib na antas ng mga kontaminante kaysa sa mas matatanda at mas malalaking isda.
- Alisin ang balat, taba sa bahagi ng tiyan at ibabaw, at mga lamang-loob bago lutuin ang isda.
- I-bake, i-broil, o i-grill sa isang bukas na ihawan upang tumulo ang mga taba. Iwasan ang pagprito sa kawali gamit ang mantikilya o taba ng hayop dahil pinananatili ng mga paraang ito ang mga katas ng taba.
- Itapon ang taba na lumalabas habang niluluto ang isda, at iwasan o bawasan ang dami ng pinagmantikaan ng isda na ginagamit upang pampalasa sa pagkain.
- Kumain ng mas kaunting pinritong isda na lubog sa mantika dahil ikinukulong ng pagpiprito ang mga kontaminante sa matabang himaymay ng isda.
Karagdagang Impormasyon Tungkol sa mga Abiso sa Pagkonsumo ng Isda ng Virginia
Ang mga sampol ng himaymay ng isda at latak ay palagiang kinukuha sa mga katubigan ng estado para sa pagsusuri ng kontaminante. Ginagamit ng VDH ang datos na ito mula sa pagkuha ng sampol sa himaymay ng isda upang mag-update at lumikha ng mga bagong abiso kung kinakailangan, kapag ang mga kontaminante sa isda ay lumampas na sa mga antas na nakababahala. Ang mga abiso ay nagbibigay ng gabay sa publiko upang gumawa ng matalinong pasya tungkol sa pagkain ng isdang nahuli sa lokal na lugar. Ang mga abiso sa pagkonsumo ng isda ng Virginia ay sinusuri taun-taon.
- Para sa mga katanungan tungkol sa mga panganib sa kalusugan ng tao dulot ng pagkakalantad sa mga kontaminante ng isda, mangyaring makipag-ugnayan sa Virginia Department of Health (VDH) sa (804) 864-8182.
- Para sa mga pangkalahatang katanungan tungkol sa mga panuntunan sa pangingisda sa Virginia, mangyaring tawagan ang Department of Wildlife Resources (DWR) sa (804) 367-1000, o bisitahin ang kanilang webpage: DWR Fishing.
- Para sa karagdagang impormasyon patungkol sa proseso ng pagkuha at pagsusuri ng sampol sa himaymay ng isda, mangyaring bisitahin ang website ng Department of Environmental Quality (DEQ): DEQ Fish Tissue Monitoring, o tumawag sa (804) 698-4000.
Mga Abiso sa Pagkonsumo ng Isda sa Iba't Ibang Wika
Pindutin ang mga link sa ibaba upang ma-access ang mga abiso sa pagkonsumo ng isda sa iba't ibang wika.